სოფელ კარდენახში გაზის გაჟონვის შედეგად 16 წლის გოგო დაიღუპა

გურჯაანის მუნიციპალიტეტის სოფელ კარდენახში უბედური შემთხვევა მოხდა.

ბუნებრივი აირის გაჟონვის შედეგად 16 წლის გოგო გაიგუდა. ის სტუმრად ბებიასთან იმყოფებოდა. მეათეკლასელი გოგონა საკუთარ საცხოვრებელ სახლში, სოფელ კოლაგში უკვე გადაასვენეს.

შემთხვევის ადგილზე მუშაობენ ექსპერტ-კრიმინალისტები. აღძრულია სისხლის სამართლის საქმე.